Boas, aquí vos deixo o peculiar testemuño de Rosa Otero, de Cervo, que nos conta como foi a súa experiencia na Fábrica de Sargadelos.
"Fun traballadora da Fábrica de Sargadelos dende hai 23 anos, sempre me trataron con respeto ata que se foi Isaac Díaz Pardo. Comecei a traballar en 1987 xunto con algunha amiga da miña idade, estábamos apuntadas na empresa ata que nos chamaron.
Vía a fábrica como unha empresa de futuro non só para min senón para todo Cervo.
Traballando alí aprendín a valorar máis a cultura galega, éramos todos como unha familia e a empresa respetaba os traballadores; era unha empresa en auxe.
Empecei a traballar cun contrato de ano por ano, ata que aos dous anos de estar alí quedei embarazada e fixéronme fixa respectándome en todo momento.
Desempeñei varios labores como cargar unha mufla (especie de forno onde se poñen as pezas a "bizcoitar" para despois pintalas), repasar as figuras decorativas e tazas, facer caixas, lavar plantillas e labores de limpeza (por iniciativa propia).
A empresa sempre foi ben, cos seus respectivos alti-baixos, pero sempre respectando os traballadores ata que se vai Isaac Díaz Pardo e se produce un cambio na dirección da fábrica hai uns catro anos. Con este cambio perdeuse o significado de Sargadelos, xa non se vende cultura senón simples pezas de louza, ademais de cerrar o laboratorio de formas (das cales Sargadelos sempre se diferenciou da competencia), noutras palabras, empeza a ser unha “casa de putas”.
Todo isto dá lugar a un descenso de ventas e a unha redución de persoal e horas de traballo despedindo a 9 traballadores (casualmente todos eles afiliados á CIG na cal me inclúo, defensores da antiga xestión de Isaac Díaz Pardo) e poñendo moi pouca transparencia a ahora de mostrar as contas da fábrica.
E así se resume a miña experiencia nesta fábrica."
Visto o visto pareceme interesante seguir investigando sobre o tema de vender a cultura galega cara o exterior, facer dunha simple pezas de louza en algo simbólico e representativo dun lugar (e supoño que nesto ten moito que ver Isaac Díaz Pardo) e tamén facer fincapé nese cambio que sufreu a empresa co cambio na dirección.
Un saúdo xente.
Un testemuño moi interesante. A min gustaríame saber máis sobre a influencia de Isaac Díaz Pardo con respecto ao trato que se lle deu aos traballadores e ás traballadoras da fábrica. É curioso que cambiase xusto dende que se foi...En fin, boa entrada. Un saúdo.
ResponderEliminarA empregada fala de cambios na directiva que teñen unas consecuencias moi negativas para os traballadores. Gustaríame saber que pasou exactamente, os novos directivos, son galegos? Quero dicir, dá a entender que os productos antes eran máis "artesanais"... quizais ese cambio ten algo que ver con que xa non se vexa como algo cultural e si como unha mera mercancía?
ResponderEliminar